harbara mar thambane

Question

Arjun Sherekar · Answer

नमस्कार

मर रोगाची बुरशी बियाण्यातून अथवा जमिनीतून मुळाद्वारे रोपात प्रवेश करते आणि खोडाच्या आतील भागात वाढते परिणामी जमिनीतील पाणी आणि अन्नद्रव्यांचा पानाकडे होणारा पुरवठा बंद होतो व त्यामुळे सुरवातीला या रोगात कोवळी पाने व फांद्या सुकतात आणि शेवटी पूर्ण झाड वाळून  जाते.

-या रोगाचा प्रसार प्रामुख्याने जमीन आणि बियाद्वारे होतो.

- प्रथम पाने पिवळसर होतात आणि सुकतात. मर रोगग्रस्त झाड शेवटी पूर्णपणे मरून जाते.

-रोगाचा प्रादुर्भाव वाढल्यास झाडांची संख्या कमी होऊ पीक विरळ होते. परिणामी उत्पादनात घट होते.

चोपण जमीन सुधारणेसाठी करा हे उपाय !
उपाय काय करावेत?

- एकाच शेतात सतत हरभरा पीक घेणे टाळावे.

- मर रोगग्रस्त जमिनीत हरभऱ्याचे पीक घेऊ नये.

- लागवडीपूर्वी ३ ग्रॅम कार्बेन्डाझिम प्रती किलो बियाण्यास पेरणीपुर्वी लावावे. नंतर ५ ग्रॅम ट्रायकोडर्मा या जैविक बुरशीनाशकाची प्रक्रिया करावी.

- मर रोगाच्या नियंत्रणासाठी रोग प्रतिकारक्षम वाणांची निवड करावी. यामध्ये विराट, विशाल, विजय, आयसीसीव्ही- १०, फुले विक्रम, जाकी- ९२१८ , साकी- ९५१६ वाणांची निवड करावी.

- रोगग्रस्त झाडे मुळासकट उपटून शेताबाहेर उपटून फेकून द्यावीत.

- मर रोगाचा प्रादुर्भाव शेतात दिसताच जैविक बुरशीनाशक ट्रायकोडर्माची आळवणी करावी किंवा शेणखतातून मातीत टाकावे.

- रासायनिक पद्धतीने रोग नियंत्रण करताना कार्बेन्डाझिम या बुरशीनाशकाची आळवणी करावी.