कोंडीचे पिल्ले कुटे भेटणार

Question

Arjun Sherekar · Accepted Answer

नमस्कार

कोंबडी पिल्ले खरेदी कुठून करावी.
कुक्कुटपालन करणाऱ्या व्यक्ती कडून  
पिल्लांची खरेदी करताना ती पिल्ले तुमचा शहरा जवळील माहितीगार किंवा मान्यता प्राप्त अशा हॅचरीमधून खरेदी करणे आवश्यक आहे. अनोळखी व्यक्तीकडून किंवा आठवडी बाजारामध्ये विकायला आणलेली पिल्ले व्यवसाय करण्यासाठी कधीही घेऊ नयेत. कारण अशा पिल्लांना सल्मोनेलोसीस या रोगाची बाधा झालेली असण्याची दाट शक्यता असते.

हा रोग अत्यंत घातक असून एका पिढीतून दुसऱ्या पिढीत संक्रमित होण्याची दाट शक्यता असते. त्यामुळे पिल्ले विकत घेताना ती सल्मोनेलोसीस (Salmonelosis) या रोगापासून मुक्त असली पाहिजेत. त्यामुळे पिल्ले विकत घेताना ती चांगल्या, मान्यताप्राप्त ह्चरीमधून आणल्यास त्यांना एकदिवसाची मॅरेक्स या रोगाची रोगप्रतिबंधक लस (Vaccine) टोचलेली असते.

अशा प्रकारची पिल्ले शासकीय हॅचरी (Hatchery) तसेच नामांकित कंपन्याद्वारे उदारणार्थ वेंकटेश्वरा हॅचरी, सगुणा हॅचरी यांसारख्या नामांकित हॅचरीमधूनही मिळतात. तसेच शासकीय प्रक्षेत्रावर, पुणे येथे खडकी आणि इतर प्रक्षेत्रावर, बाकी भरपूर ठिकाणी उपलब्ध आहेत.

पशुसंवर्धन विभागांअंतर्गतही ग्रामीण भागात रोजगाराच्या संधी उपलब्ध करून देण्यासाठी शासनातर्फे विविध योजना अंतर्गत पिल्लाचं किंवा तलंग वाटप केले जाते.