शेतीत जास्त तन किंवा जास्त गवत त्याच्यासाठी काही यंत्र आहे का खुरपण्यासाठी

Question

Arjun Sherekar · Answer

जी नमस्कार शेतीत जास्त तन किंवा गवत खुरपण्यासाठी विविध यंत्रे उपलब्ध आहेत जसे की पावर वीडर, मॅन्युअल वीडर इत्यादी. कृपया आपल्या नजीकच्या कृषि यंत्र विक्रेत्याशी संपर्क साधा.

नमस्कार
तण नियंत्रण 
छोटे पावर वीडर/ टिलर

ही इंजिनवर चालणारी छोटी कोळपी अतिशय उत्तम प्रकारे काम करतात. या यंत्रांचा वापर आंतरमशागतीच्या कामांसाठी केला जातो. यामध्ये गवत काढण्यासाठी रोटरी टिलरसोबतच लहान आकाराचे फाळ किंवा शॉवेल, स्वीप जोडले जातात. अल्पभूधारक व साधारण वर्षभर काम असणारे बागायती शेतकरी इंजिन कोळप्यांना पसंती देतात. या यंत्रासोबत विविध अवजारेही जोडता येतात.

त्यामुळेच या यंत्राद्वारे गवत काढणे, पिकाला भर देणे, फळबागांमध्ये आळी तयार करणे, फवारणी करणे अशी अनेक कामे करता येतात. या यंत्राला जोडलेल्या इंजिनाची क्षमता तीन ते आठ अश्‍वशक्तीपर्यंत असू शकते. मोठ्या यंत्रांच्या साह्याने कुळवणी आणि आंतरमशागतीची कामेसुद्धा करता येतात. अशा प्रकारच्या यंत्रांची संपूर्ण बनावट आणि त्यांचा वापर कसा करावा, याची माहिती पुढील लेखात घेणार आहोत.

बैलचलित कोळपे

भारतामध्ये बैलांच्या साह्याने चालणारी कोळपी अधिक प्रमाणात वापरलली जातात. त्यात पास (आडवे पाते) असते. यामध्ये दोन ओळींत किंवा एकाच ओळीच्या दोन्ही बाजूंस चालणारी दोन पाती यांचा वापर केला जातो.

अशी दोन किंवा तीन कोळपी एकाच वेळी वापरून गवत काढण्याचे काम केले जाते. मात्र शेतीचा आकार कमी होत जाताना बैलांना संभाळण्याचा खर्च शेतकऱ्यांना परवडत नाही. परिणामी, बैलांचे प्रमाण कमी होत आहे. म्हणून छोट्या आकाराच्या इंजिनावर चालणाऱ्या वीडरला मागणी वाढत आहे

तणनाशके, जी सर्व तण मारण्यासाठी शेतात फवारली जातात, त्यांचा नियंत्रणासाठी वापर केला जाऊ शकतो . पिकांची लागवड करण्यापूर्वी मशागत केल्याने तण काढण्यास मदत होते. कौरीच्या सहाय्याने तण हाताने काढून टाकले जाते, ज्यामध्ये नियमितपणे जमिनीच्या जवळील तण उपटणे किंवा तोडणे आवश्यक आहे.