माझी 36 महिन्याची म्हैस गाभण राहत नाही उपाय सांगा.

Question

Arjun Sherekar · Answer

नमस्कार
म्हैस गाभण न राहण्याची बरीच कारणे असू शकतात, जसे की पोषणाची कमतरता, हार्मोनल असंतुलन, किंवा संक्रमण. कृपया आपल्या पशुवैद्यकाचा सल्ला घ्या आणि योग्य निदान आणि उपचार मिळवा.

म्हैस गाभण राहण्यासाठीचा घरगुती उपाय

जर तुमच्या गोठ्यातील  म्हैस गाभण राहत नसेल तर तुम्ही कमी खर्चाचा एक घरगुती उपाय करू शकतात. याकरिता तुम्हाला सगळ्यात अगोदर हळकुंडाची आवश्यकता भासेल. ते तुम्ही आणल्यानंतर त्याची भुकटी करणे गरजेचे आहे. साधारणपणे दीडशे ग्रॅम बुकटी तयार होईल एवढे हळकुंड तुम्ही विकत आणणे गरजेचे आहे. या माध्यमातून तुम्ही जनावरांना सात दिवसाचा डोस तयार करू शकतात. यातील पहिल्या टप्प्यातील डोस प्रति दिवस 20 ग्रॅम जनावराला देणे गरजेचे असून त्यामुळे खूप मोठा फायदा मिळतो.

तसेच याकरता तुम्हाला थोडे गव्हाचे पीठ देखील लागते. गव्हाचे पीठ तुम्ही तुपामध्ये भाजून घ्यायचे आहे व यामध्ये गुळ किंवा साखर मिक्स करून घ्यायचे आहे. त्यानंतर या गव्हाच्या पिठाचा हलवा तयार करायचा आहे आणि हा हलवा तयार झाल्यानंतर यामध्ये तुम्हाला 20 ग्रॅम हळद पावडर टाकायची आहे. म्हणजेच एका दिवसाकरिता 20 ग्रॅम हळद यामध्ये टाकणे गरजेचे आहे. त्यानंतर हे मिश्रण तुम्ही जनावरांना खाऊ घालावे. यामध्ये काळजी घेण्याची गोष्ट म्हणजे हे मिश्रण तुम्ही जनावरांना देताना काही गोष्टींची काळजी घेणे गरजेचे आहे.

जसे की तुम्हाला ज्या जनावरांना हे मिश्रण द्यायचे असेल तर त्यांचा चारा खाऊन झाल्यावर ते द्यावे. प्रामुख्याने संध्याकाळी आठ ते नऊच्या सुमारास हे मिश्रण जनावरांना दिले तर फायद्याचे ठरते. हे मिश्रण देताना पहिल्या टप्प्यातील मिश्रण जनावरांना सात दिवस देणे गरजेचे आहे. सात दिवसानंतर तुम्हाला बऱ्यापैकी फरक दिसून येईल. हे मिश्रण एक किंवा दोन दिवस न देता ते सात दिवस संपूर्णपणे देणे गरजेचे आहे. तसेच जनावरांना हे मिश्रण दिल्यानंतर कोणत्याही प्रकारचा चारा आणि पाणी देऊ नये. या मिश्रणाने गाय किंवा म्हशीच्या गर्भाशयामध्ये ज्या समस्या असतात त्या दूर होण्यास मदत होते.